Чемпиондар лигасының тарихына өзгеріс енді
Чемпиондар лигасының жартылай финалында тек Германия мен Франция клубтары ойнайтыны белгілі болды, деп хабарлайды Prosports.kz.
Осылайша Чемпиондар лигасы басталғаннан бері алғаш рет Испания, Англия немесе Италия клубтары жартылай финалға шыға алған жоқ.
Еске сала кетейік, Чемпиондар лигасы 1990/91 маусымда пайда болды, ал бұған дейін турнир Чемпиондар кубогы деп аталды.
Сонымен қатар Францияның екі клубы турнир тарихында алғаш рет жартылай финалға жолдама алды. Жартылай финалда ПСЖ – «РБ Лейпциг» және «Лион» – «Бавария» командалары ойнайды.
