Элизабет қуантты
Жақында Қазақстанның ұлттық комитеті "Қысқы спорт түрлеріндегі үздік спортшы" аталымында мәнерлеп сырғанаудан Қазақстан жұлдызы Элизабет Тұрсынбаеваны марапаттады, деп хабарлайды BAQ.KZ тілшісі. Шынымен де, Элизабет биыл ерледі.Осы мәнерлеп сырғанау спортында марқұм Денис Теннен кейін әлемдік деңгейде енді кім шығады-ау деп жүргенде Элизабет наурыз айында қуантып тастады. Қазақтың қаршадай қызы Сайтамада (Жапония) өткен әлем чемпионатында әйелдер арасындағы жарыста күміс медаль алды. Отандасымыз тек Олимпиада чемпионы ресейлік Алина Загитоваға есе жіберді.
Тұрсынбаева әлем чемпионатында тек күміс медаль алып қойған жоқ, ол негізгі бағдарламада 4 айналым сальхов (4S) элементімен секірді. Ол төрт айналым элемент секірген алғашқы мәнерлеп сырғанаушы қыз ретінде тарихқа есімін жазып қалдырды
