Баландинге артылған үміт көп
Олимпиада чемпионы Дмитрий Баландин Атлантада жүзуден өтіп жатқан АҚШ ашық біріншілігінде жеңімпаз атанды, деп хабарлайды ҚазАқпарат .
Ұлттық олимпиада комитеті мәлім еткеніндей, аталмыш турнирге Қазақстаннан Д.Баландин мен Әділбек Мусин қатысуда. Жарыс барысында Дмитрий Баландин 100 метрге брасс әдісімен жүзуде үздік шықты. Оның көрсеткіші – 59.36. Америкалықтар Андрю Уилссон (59.54) мен Коди Миллер (59.92) екінші және үшінші орынға ие болды.Айта кетейік, Д.Баландин – 2020 жылғы Токио Олимпиадасында Қазақстан қоржынына олжа салады-ау деген басты үміткерлердің бірі.
