IBF және IBO версиясы бойынша орта салмақтағы жаңа әлем чемпионы қазақстандық Геннадий Головкин (40-1-1, 35 КО) өзінің келесі қарсыласын анықтады деп хабарлайды Vesti.kz.
TheAthletic ақпараты бойынша келесі жекпе-жекте Головкин поляктік Камил Шереметамен (21-0, 5 КО) кездесуі мүмкін. Бұған дейін қазақстандық боксшының промоутері Том Леффлер оны Геннадийдың потенциалды қарсыласы ретінде таныстырған болатын.

«Головкин жаңа титулын қорғау бойынша Шереметаға қарсы келісімшартты жасап, енді IBF растауын күтіп отыр. Мәліметтер бойынша егер Сауль Альварес мамыр айында трилогияны өткізуді қаламаса, бұл жекпе-жек келер жылдың басында өткізілуі тиіс» - дейді Майкл Бенсон өз твиттерында.

Өзінің соңғы жекпе-жегін Головкин 5 қазан күні Нью-Йорк қаласында украиналық Сергей Деревянченкоға (13-2, 10 КО) қарсы өткізген болатын. 12 раундқа созылған жекпе-жек төрешілердің бірауыздан келісілген шешімімен Головкин есебіне жазылған болатын.
Осы жекпе-жек нәтижесінде Головкин IBF және IBO титулдарын жеңіп алып, орта салмақтағы әлемнің екі дүркін чемпионы атанды