Тараптар екі ел арасындағы ынтымақтастықты дамытудың өзекті мәселелерін талқылады.

Мәжіліс Төрағасы Марокко Қазақстанның Солтүстік Афри­ка­дағы маңызды әріптесі екенін айтты.

Өткен жылы екі ел арасында дипломатиялық қатынастың орна­ғанына 25 жыл толды. Осы уақыттар ішінде біздің елдеріміз арасындағы байланыс сындарлы дамып келеді.

Мәжіліс Спикерінің пікі­рінше, БҰҰ, ИЫҰ, Африка ода­ғы ұйымдары деңгейінде ха­лық­аралық өзекті мәселелер бойын­ша біздің елдеріміздің ұстаны­мы өте жақын. Осы ретте Н. Нығ­матулин Қазақстан Прези­денті Нұрсұлтан Назарбаевтың халықаралық қақтығыстарды реттеуде елдер арасындағы өзара сенім мен сындарлы үнқатысуға баса назар аударатындығының маңыздылығына тоқталды.

Одан әрі кездесу иелері сауда-экономикалық, мәдени-гу­ма­нитарлық әріптестік жайын тал­қы­лады.

Н.Нығматулиннің айтуын­ша, біздің елдеріміз арасында көлік-логистика саласын пайда­ла­нудың әлеуеті зор. Сондай-ақ Еуразиялық экономикалық одақ аясында өзара іс-қимылды тереңдетудің мүмкіндігі мол.

Сонымен бірге машина жасау, ауыл шаруашылығы, «жасыл энергетика» салаларында ынтымақтастықты күшейту басым бағыттардың бірі болып табылады.

Өз кезегінде Абделжалил Саубри біздің елдеріміз ара­сын­дағы саяси әрі дипломатиялық қаты­настың өте жоғары деңгей­де екенін және Марокко өзара ық­палдастықты одан әрі терең­де­туге ынталы екенін жеткізді.

Тараптар парламентаралық байланыс жайын сөз еткенде ынтымақтастық жөніндегі топ, сондай-ақ бейінді комитеттер төңірегінде әріптестік Қазақстан мен Марокко арасындағы өзара іс-қимылды жан-жақты дамытуға зор ықпал ететінін айтты.