"Қалай бастарымды білмей отырмын. Сіздерде жаңа айдардың ашылғанын көргеніме біраз болды. Бірақ жазуға батылым жетпей жүрген. Міне, бүгін бар күшімді жинап жазып отырған жайым бар. Айтайын дегенім, өзегімде өкініш болып өртеніп жатқан сыр бар. Айтатын адамым да жоқ. Болғанымен сыртқа тарап кете ме де қорқамын. Жасым 46-да. Ортаншы ұлым жақында үйленбекші. Алғаш айтқанда қатты қуандық. Дегенмен болашақ келінім өзге ұлт өкілі екен. "Қазақ қызын ал, отбасымыздың менталитетіне келіспейді. Туысқандар не дейді" деп айтқаныммен, ұлым тыңдар емес. Махаббат дейді, анау дейді, мынау дейді. Көндіге алмайтын сияқтымын. Енді не істеймін? Мүмкін өзге ұлттан қыз алып отырған жандар бар шығар. Өз ойларыңызбен бөлісіңіздерші?"