"Алашұлы" әншісі кезінде ұры болғанын мойындады
"Алашұлы" тобындағы Әзімбек Байлин кезінде ұрлықпен айналысқанын жайып салды. Әнші тіпті, "ұры Әзімбек" деген аты болғанын да мойындады деп жазады Youtube желісіндегі "Жылқышыбаймен" бағдарламасына KAZ.NUR.KZ сілтеме жасап.
Рухты әндерімен елге танылған "Алашұлы" тобының мүшесі бұл заңбұзушылықпен интернатта оқыған кезінде айналысқан. Ол ұрлыққа күнделікті тамақтан жалыққандықтан барғанын түсіндірді.
"Интернатта өстік. Ұрлаған кезім де болды. Оны жасырмаймын. "Ұры Әзімбек" деген атым болған кез де болды. Сенбі мен жексенбі күндері ғой. Интернатта жатасың, ішің пысады. Күнделікті тамақтан жалығасың. Кішкене фанта ішкің де келеді, пряник жегің келеді, кәмпит жегің келеді" , - деп ағынан жарылды әнші.
Сонымен қатар Әзімбек Байлин әулетін жалғыз өзі ғана алға сүйрейтінін айтты. Өнерінің арқасында жақсы табысқа кенелетін әнші туған туыстарына барынша көмектесіп жатқанын жеткізді.
Айта кетейік, бұған дейін "Алашұлы" тобындағы Әзімбектің асаба ретіндегі гонорары қанша екенін хабарлаған болатынбыз.
Сонымен қатар, ол өнердегі тоқалы жайлы қауесетке қатысты пікір білдірді. Ел арасында Байлиннің өнердегі сүйіктісінің одан аяғы ауыр екені жайлы әңгіме тараған.
