Ресейден келген 8 азамат тауға шығып, олардың бірі сол аймақтағы Ақсу өзеніне батып кетті. Бұл туралы ҚР ІІМ ТЖК ресми өкілі Руслан Иманқұлов хабарлады. Алматы облыстық құтқарушылар тобы 10 маусым күні сағат сегіздер шамасында түскен хабарлама бойынша туристерге көмекке аттанған. Оқиға Талдықорғаннан 120 шақырым жерде орын алды. Ақсу ауданына құтқарушылар түнгі бір шамасында жеткен. Туристерді табуға байланыстың болмауы кедергі келтірген. Ақпаратқа сәйкес, туристер Алматы облысының жедел-құтқару жасақтарында ресми тіркеуден өтпеген. Қазіргі уақытта туристерді шатқалдан көтеру жұмыстары жүргізілуде.