"Әр нәрсенің шегі бар": Ақбота Керімбекова кімді сотқа бергелі жатыр?
Отандық танымал әнші Ақбота Керімбекова өзін орынсыз айыптап, желіде намысына тиетін сөздер айтатын адамдарға енді кешіріммен қарамайтынын ескертті. Өнер иесі бұдан былай оларды бірден сотқа беріп, заң жүзінде жазаламақ деп жазады KAZ.NUR.KZ.
Ақбота Керімбекова Instagram парақшасында азулы жазба жариялап, ұзақ уақыт бойы даулы ұтысқа қатысты сұхбат беруден не себепті бас тартқанын түсіндірді. Әнші жағдайдың мән-жайын айтып, енді өзіне жала жабатындардың үстінен сотқа арыз түсіретінін жеткізді. "Қымбатты оқырмандарым! Кеш жарық! Оразаны аяқтадым, Аллаға сансыз шукірлер болсын. Енді эфирге шығайын. Ақталмаймын да, ақталғым да келмейді. Себебі ешқандай заңға қарсы әрекет жасағаным жоқ. Шындықты қабыл алсаңыздар, мән-жайды түсіндірейін деген ойым ғана. "Даудың басы Дайрабайдың ала сиырынан басталды" - демекші, бәрі ұтыс ойыны емес, инвесторлардан дауынан басталған. Кейбір рейтинг қуып, өздерін "хайппен" жарнамалағысы келетін журналистер менің, әріптестерімнің сөздерін барынша бұрмалап, халыққа "жексұрын" көрсетіп жүр. Менің, шақырған сұхбаттарынан бас тартып, "Қанша рет бұл туралы айттық. Мен енді бұл туралы айтқым да, басымды ауыртқым да келмейді. Менің ақшаға қатысым жоқ, мен тек жарнамасына түстім" - деген сөздерімді, ток-шоуға емес, "халыққа басымды ауыртқым келмейді" деп бұрмалап көрсеткен.Осы күнге дейін, рейтинг үшін "жан пида" боп жүрген және әлеуметтік желіде ауыздарына келгенін айтып, маған қатысты ақпаратты бұрмалап, ақиқатына көз жеткізбей, мән-жәйді білмей, мені қаралап, жала жауып айтылған сөздердің бәріне кешіріммен қарадым. Бірақ, бүгіннен бастап, дәл осылай мейлі ТВ, мейлі әлеуметтік желі, инстаграм желісінің пікірінде, кім маған ауыр сөздер айтып, жала жауып, намысыма тиетін сөздер айтса, жазса, Қазақстан Республикасының Қылмыстық кодексінің 130, 131 баптары бойынша сотқа беретінімді ескерткенім дұрыс болар. Әр нәрсенің шегі бар. Алланың барын ұмытпайық", - деп жазды ол.
