Жазира Байырбекованың көзі көпбалалы ана - Алтынай Жорабаеваның қызына түскені анық. Әнші Instagram парақшасында өнердегі әріптесі мен оның қызының суретін жариялап, оған сұрақты төтесінен қойған. "Алтынай, қызың өзің сияқты пысық па?!" - деп сұрады эстрада жұлдызы. Өнер иесінің бұл жазбасы желіде бірден қызу талқыға түсті. Көпшілік Байырбекованың әрекетіне қатты таңғалып, қос тарап келісімін берсе тойдың ауылы алыс емес деп болжады. "Жарасымды құдағи болар едіңіздер", "Алтынайдың қызы әдемі екен", "Жазира апайдың сұрағы қызы екен. Алыстан арбалағанша, жақыннан дорбалайын деген болар" , "Жарасымды жұп шығар еді. Жанболат пен Жазираның да ұлы сымбатты жігіт қой", "Жұлдызды тандем" , "Инстаграммен құда түскелі жатыр-ау" , "Келін етейін дедіңіз ба" , "Анасына қарап, қызын ал" , - деп өз пікірлерін жазуда желі қолданушлары.