Айдай Исаева алдағы уақытта тағы да балалы болатынын атышулы "Қалаулым сен" жобасының түсірілімі кезінде хабарлады. "Қазақстан аруы-2013" осымен үшінші перзентін дүниеге әкелмек. Жолдасы екеуі бүгінде бір қыз бен бір ұл тәрбиелеп отырған жайы бар.

"Жаратушының аманат еткен жаңалығыммен бөлісуге тура келді. Тілектеріңізге үлкен рақмет! Аллаға мыңда шүкір! Бақытымыз баянды, ғұмырымыз маңызды болсын ин ша Алла! Әумин" , - деп жазды тележүргізуші өзінің Instagram парақшасында.

"Құтты болсын", "Дені сау, жасы ұзақ салиқалы ұрпақ нәсіп етсін" , "Өте керемет жансыз, аман-есен босанып алыңыз" , "Қандай жақсы жаңалық, көбейе беріңіздер" , - деп жазуда көпшілік.Желі қолданушылары бірден Айдай Исаеваға өз құттықтауын жаудырып, ақ тілегін жарыса білдірген. 

 

Айта кетейік, Айдай Исаева "Қалаулым сен" бағдарламасының үшінші маусымын жүргізіп келеді. Оған дейін бұл орында оның жақын құрбысы Аша Матай болған.