ЕРЕН ЕРІКТІ

№27 орта мектептің қызметкері Бахыт Басқынбайұлы Қайырбеков аудан әкімі тағайындаған "Жомарт жүрек" сыйлығының "Ерен еріктілік" номинациясының иегері. 
Бахыт Басқынбайұлы мешіт жамағаттары арасында спорт түрлерінен қайырымдылық турнирлерін, т.б.шараларды өткізуге, жағдайы төмен, көп балалы отбасыларға қолдау жасауға ерікті түрде белсене араласып келеді.
Мешіт жамағаттарының күшімен 2018 жылдың қыркүйек, қазан айларында Томанов көшесінде тұратын жалғыз басты көпбалалы анаға арнап үй салынып берілді.
Биылғы ораза айында 30 күн бойы екі мешітте 2320 адамға ауыз ашар беріліп, жамағатпен сұқбат жасалды. 
Арыс елді мекеніндегі жағдайға байланысты жамағаттар арасында футбол жарысы ұйымдастырылып, қаржысы қайырымдылық қорына аударылды. Жосалы кентіндегі мұқтаж отбасыларына жыл басынан бері 315 жанұяға азық-түліктен көмек көрсетілген.
Осы жұмыстардың бәріне белсенді ұйымдастырушы ретінде қатысып келеді.