» » МЕМҚЫЗМЕТТЕГІ АРУ

МЕМҚЫЗМЕТТЕГІ АРУ

         Әрбір мемлекеттің дамуына мемлекеттік қызметкердің қосар үлесі мен салмағы басым. Тіпті өмір жолын мемлекеттік қызметке арнап, оның дамуына үлес қосқан ардагер де, бұл саладағы қызметін жаңадан бастап келе жатқан, ертеңінен зор үміт күттіретін жас та елшілдіктің сойылын соғады. Сол жастың қатарында нәзікжандылар да жетіп жығылады. Сандарды сөйлетер болсақ, Сыр елінде 1657 азаматша мемлекеттік қызметте еңбек етуде. Аймақтағы барлық мемлекеттік қызметшінің 44,6 процентін әйелдер құрап отыр. Олардың 749-ы жергілікті атқарушы органдарда, ал 908-і орталық атқарушы органда жұмыс атқарады.
Мемлекеттік қызметші арулардың қатарында Рауабану Қарекеева да бар. Ол – Төретам кенті әкімдігінде жетекші маман қызметін атқарады.Рауабану 2008 жылы Қорқыт ата атындағы Қызылорда мемлекеттік университетіне «көлікті пайдалану, жолаушылармен жүк тасымалдарын ұйымдастыру» мамандығына оқуға түсіп, оны үздік дипломға аяқтаған. Мектеп қабырғасында оқып жүргеннен-ақ қоғам өміріне белсене араласады. Бұл қабілетін университет оқып жүргенде де одан әрі шыңдай түсіп, түрлі байқауда үздіктер қатарынан көрініп келеді.
Еңбек жолын түрлі саладан бастаған ол 2017 жылы мемлекеттік қызмет саласына ауысады. Негізгі атқаратын жұмысы – тұрғын үй коммуналдық шаруашылығы автомобиль жолдары, жолаушылар көлігі, құрылыс саласына жетекшілік жасайды.
  • Мемлекеттік қызмет  жауапкершілік пен ұқыптылықты талап етеді. Басты мақсатым – ел игілігі жолында қызмет етіп, халық үдесінен шығу. Менің таңдауым – мемлекеттік қызмет. Осы салаға жүргенімді мақтан тұтамын. Жұмысым өзіме ұнайды, – дейді ол.
Рауабану Қарекеева жақында Қызылорда қаласында өткен облыстық «Мемлекеттік қызмет аруы» байқауына аудан намысын қорғап, жүлделі  ІІ орынды иеленді. Еліміз бойынша алғаш рет өткізілген мемлекеттік қызметшілер арасындағы нәзікжандылардың байқауы мемлекеттік қызметкерлердің кәсіби мерекесіне орай ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің Қызылорда облысы бойынша департаментінің ұйымдастыруымен өтті.
–Байқауға әр ауданнан 5 мемлекеттік қызметші қатысты. 4 кезең бойынша өзара бақ сынастық. Әрине, қарсыластар да осал болған жоқ. Дей тұра тынымсыз еңбек пен дайындығымның арқасында жеңіс төрінен көрінгеніме қуанамын, – дейді кейіпкеріміз.
Мұнан бөлек Рауабану кәсіби мерекесі қарсаңында облыс әкімінің алғыс хатымен де марапатталды. Өз кәсібін жан-тәнімен сүйген жанның еңбегі еленгені қуантады.
  • Әрине, қуанышымда шек жоқ. Бұл маған үлкен жауапкершілікті жүктейді. Әрі қарай да тынбай еңбек ететін боламын, – дейді Р.Қарекеева.
Ол жұмыстан қолы қалт ете қалса спорт залына асығады. Иә,  спорттың қай түрін алсақ та денсаулыққа пайдалы.
  •  «Дені саудың – жаны сау» деп жатамыз. Жұмыстан қол қалт ете қалса, Төретам кенті орталығында орналасқан дене шынықтыру және сауықтыру кешеніне барамын. Түрлі спорттық жаттығумен шұғылданғанды жақсы  көремін.түрлерімен айналысамын. Одан бөлек аудан көлемінде ұйымдастырылатын мәдени шараларға да қатысамын,– дейді Рауабану.
Ақнұр САҒЫНТАЙ,
«Қармақшы таңы».
28 маусым 2019 ж. 154 0

PDF нұсқалар мұрағаты

№64 (9816)

20 тамыз 2019 ж.

№63 (9815)

16 тамыз 2019 ж.

№62 (9814)

12 тамыз 2019 ж.

Хабарландыру

Хабарландыру

Хабарландыру

19 тамыз 2019 ж.
Хабарландыру

Хабарландыру

15 тамыз 2019 ж.

Жаңалықтар мұрағаты

«    Тамыз 2019    »
ДсСсСрБсЖмСбЖс
 1234
567891011
12131415161718
19202122232425
262728293031