Қармақшы ауданында "OPEN TALKS"

Қармақшы ауданында "OPEN TALKS" жас мамандармен ашық алаң өтті

Қазақстандық салалық білім және ғылым қызметкерлері кәсіптік одағының Қызылорда облыстық ұйымының ұйымдастыруымен 2019 жыл – Жастар жылына орай арнайы мемлекеттік бағдарламаларды іске асыру жөнінде жас сала қызметкерлеріне арналған Ашық алаң форматында кездесу өтті.

Кездесуді облыстық кәсіподақ комитетінің төрайымының орынбасары Ескалиева Гульнара Бабабековна ашып, ауданның жас педагогтарына шығармашылық табыс тіледі. Облыстық кәсіподақ комитетінің заңгері Утегенова Нургуль Сабыровна, «Тұрғын үй құрылыс жинақ банк» Қызылорда филиалының маманы Амантайұлы Азамат, Қызылорда облысының кәсіпкерлер палатасының Қармақшы аудандық филиалының директоры Ермекбаев Арман Серікұлы, Қармақшы аудандық экономика және бюджетті жоспарлау басқармасының бас маманы Мырзабекова Дана Абдуллақызы, Қармақшы аудандық кәсіпкерлік, өнеркәсіп және туризм бөлімінің бас маманы Құндақбаев Бостан Шегебайұлы, Қармақшы аудандық ауыл шаруашылығы бөлімінің статисі Көбекова Гүлжахан Жәлелқызы білім беру мекемелерінің 120 жас педагогына өз салалары бойынша бағдарламаларды түсіндіріп, ережелерімен таныстырды.

Қатысушы жас педагогтар білікті мамандарға айлық көрсеткіші, жалақының көбею реттілігі, "Тұрғын үй жинақ банкі" тарапынан көрсетілетін жеңілдіктер, кәсіпкерлікпен айналысу және "Дипломмен ауылға" бағдарламасына байланысты сұрақтар қойып, нақты жауаптарын ала алды.