Бір жылдары қаңыраған саябақтарды сая­лайтын адам таппадық. Қолдан жасап алған «парк» малдың мекеніне айналған-тын. Біреуі бастап, осы жерге қараса ғой деп талай ниет еттік. Ал қазір бұл жер, ойын алаңына айналды. Бұл жаңалықты ести сала бөркімізді аспанға атып, осында құстай ұштық.

–  Пейнтбол – шынайы өмірде ойнайтын атыс алаңы. Қатысушы жеті адамнан топқа бөлінеді де екі жақтың тартысты «ұрысы» басталады. Әр демалыс күні осы «демалыс» саябағында өткізіліп тұрады. Бұл жұмыстан бөлек қосымша табыс көзі болса, басты мақсат – жастардың бос уақытын тиімді өткізу, – дейді пейнтбол иесі Әділ Ыбрахим.

Пэйнтбол ағылшынша Paintball –  экстремалды спорт жекпе-жегінің жас түрі. Ойын­шылар бояулы шарлар ататын арнайы пневматикалық қарулармен қаруланады. Ойын ұрыс әрекетін жақын әрі орташа қашықтықта дәл белгілейді. Ойыншыға тиген шар жарылып, киімде түрлі-түсті белгі қалдырады. Әуесқой ойындар қарапайымдалған ережелер бойынша жүргізіледі, турнирлік ұрыстардың қатаң регламенті және нақты жасалған әдісі болады. Онда әр сарбаз бүкіл команда үшін бір мақсатқа бағынған міндетті иемденеді.

Иә, әлгінде айтқан виртуалды ойындарды осы пейнтболдан офлайнмен-ақ ойнай аласыз. Киім-кешек ретінде жалпы әскерлік камуфляж киім, сондай-ақ арнайы тігілген костюм қолданылады. Бетперде, басқа киетін бандан, бронежилет пен қолғап киім-кешектің негізгі элементі болып табылады. Стандартты калибр – 68, желатинді қабығы бар, ішінде глицерин мен ас бояудың қосындысы. Краска суда оңай ериді, тіпті ақ матадан да жылдам жуылады.

–  СО2 толық баллонымен (70-80 атм қысым) қаруланған маркерден атқанда өзекшеден секундына 100 м жылдамдық шамасында ұшады. Атудың көзделген дәлдігі 20–25 м, шар 50–60 м қашықтыққа ұшады. Ал сақ болмаса 15–20 м қашықтықтағы атыс дененің қорғалмаған бөлігін көгертіп жібереді, –  дейді «Сарбаз» ойын алаңының жетекшісі.

Демалыс күнін тиімді өткізу үшін пейнтбол алаңына барып қарулану – таптырмас мүмкіндік. Барлық тұрғындарға алаң маусымның 1-нен бастап есік ашады.