ТУБЕРКУЛЕЗ – ҚАУІПТІ ДЕРТ
Ауданда дүниежүзілік туберкулезге қарсы күрес күніне орай «Өзіңді туберкулезден сақта!» ұранымен айлық өтті. Оған бірқатар мекеме, мектеп ұжымдары атсалысты. Соның бірі – Қармақшы ауылындағы №113 орта мектепте ұйымдастырылды.
Шараға облыстық Жастар денсаулығы орталығы Қармақшы құрылымдық бөлімшесінің дәрігері Ұ.Тұрмағанбетова, аудандық туберкулезге қарсы күрес кабинетінің меңгерушісі Х.Алиев, медбике Д.Күлмырзаева, А.Жеткергеновалар қатысып, тақырып аясында дәріс оқыды. Мамандар емделгеннен гөрі қауіпті дерттің алдын алу оңай екенін насихаттады.
Акцияда мектеп оқушыларының концерттік бағдарламасы мен әдеби-монтажын тамашалады.
Сәрсенкүл АҚКІСІ,
«Қармақшы таңы».
