Ақ мол, жыл ырысты болсын
Тәйімбет Көмекбаев ауылы №185 орта мектебінде Ежелден жаңарту мен жасампаздықтың бастауы, ырыс пен берекенің арқауы болған Наурыз мерекесін тойлау мақсатында «Қош келдің Әз-Наурыз» тақырыбында мерекелік іс-шара болып өтті. Іс-шара барысы Қыдыр бабаның ақ батасымен ашылып, мектеп директоры Г.Ахметованың жүрекжарды тілегімен жалғасты. «Тұсаукесер, Сүндет той, Қазан шегелеу және т.б» салт-дәстүрлерімізден қойылымдар қойылып, ұстаздарымыздың әсем әні және биімен жалғасын тапты. Мерекеге арнайы ардагер ұстаздарымыз бен қызметкерлеріміз шақырылып, сый-сыяпат жасалып, мерекенің бас тағамы - Наурыз көжені кең дастархан басында дәм татты.
Баршамызға Наурыз мерекесі құтты болсын! Ел тыныш, туған жер аман болып, арайлап атқан әрбір таң шат көңіл, бақыт және береке сыйласын. Ақ мол, жыл ырысты болсын!
