Шарада «Біздің ардагер дәрігер­лер ха­лыққа қызмет көрсетеді» акциясы ұйым­дас­тырылып, ардагер-дәрігерлер Ұрхия Ідірісқызы мен Қамар Нәбиқызы халыққа ешқандай кедергісіз, тіркеусіз қызмет көрсетті. Дертіне шипа іздеп тексерілуге келген науқас жандар өзі қалаған дәрігеріне мұқият қаралып, емін-еркін тексерілді. Мейрамға қарсы ұйымдастырылған бұл шара халықты жақсы көңіл-күйге бөледі. Облыстық медицина орталығынан да келген терапевт және невропотолог дәрігерлер аудан халқын жақсы көңіл-күймен қабылдап, көкейде жүрген сауалға жауап беріп, кеңесімен бөлісті. Емхана жанынан қайырымдылық қоры ұйымдастырылып, жағдайы төмен көпбалалы 15 отбасыға азық-түлік, киім-кешек, отын-көмірмен көмек берілді. Істің ең қайырлысы – қайырымдылық. Жан-жағыңа жақ­сылық жасап, айналаңа шуақ шашып, балалардың көңіліне нұр сепсең, одан артық бақыт жоқ. Дәрігерлер сыйлаған тәттіні көрген балалар шадыман болды. Жанарынан үміт ұшқыны байқалады. Ал көпбалалы анаға қалай жәрдемдессек те жарасады. Алғаусыз алғыс айту күнінде шаттыққа бөленген отбасылар сала мамандарына дән риза.