«Нұр Отан» партиясы Байқоңыр филиалының Саяси кеңес бюросының отырысы өтті. Отырысқа партия филиалының төрағасы С.Қожаниязов төрағалық етіп, күн тәртібіндегі мәселелермен таныстырды.

Күн тәртібіндегі мәселелер бойынша сөз алған филиал төрағасының бірінші орынбасары Б.Бекпанов, партия филиалы жанындағы сыбайлас жемқорлыққа қарсы іс-қимыл жөніндегі кеңестің және партиялық бақылау комиссиясының құрамын бекіту туралы шешім жобаларымен таныстырды. Бюро мүшелері жобаларды талқылап, жоғарыда аталған кеңеспен комиссия құрамын бекітті.

Айта кетелік, аталған кеңес және комиссия жұмысының маңыздылығы - бағдарламалық құжаттармен шешімдердің жүзеге асырылуына бақылау жасап, әр саланың жай-күйін бағалап, түйткілді мәселелердің шешілуіне атсалысуында және сыбайлас жемқорлыққа қарсы саясат аясында мемлекет және қоғам күштерін біріктіріп бұл өзекті мәселемен күрес жүргізуінде.

Күн тәртібіндегі барлық мәселелер қаралған соң филиал төрағасы С.Қожаниязов отырыс жұмысын қорытындылады.