Апталығы болып өтті
Мектепте «Математика - ақыл – ойдың кеніші» тақырыбында математика пән апталығы болып өтті.
Оқушылардың ой ұшқырлығын, пәнге деген қызығушылығын арттыруда 7-9–сыныптармен «Кубик-рубик» /текше пішінді зат/ ойыны ұйымдастырылып,жеңіске жеткен 9 «Б» сынып оқушысы Олжабай Жомарт «Бас жүлде», 8 «Б» сынып оқушысы Каналбеков Ерасыл І орын, 5 «Б» сынып оқушысы Жұма Руслан «Үздік нәтиже», 10 «А» сынып оқушысы Ібай Сүлеймен «Үздік нәтиже» көрсеткені үшін «Мақтау қағазымен» марапатталды.
Аптаның екінші күні 5-6 - сынып оқушыларымен «Ғылымға құштар жас өрен» математикалық ойында әділ – қазылар алқасының шешімімен 5 «Б» сынып «Үшбұрыш» тобы 107 ұпаймен «Бас жүлде», 5 «А» сынып «Шаршы» тобы 104 ұпаймен І орын, 6 «Б» сынып «Ромб» тобы 85 ұпаймен ІІ орын, 6 «А» сынып «Трапеция» тобы 36 ұпаймен ІІІ орынды иеленді. Ойын барысында 6 «Б» сынып оқушысы Алтайбек Райса, 6 «А» сынып оқушысы Әбдіқадіров Данил, 5 «А» сынып оқушысы Қосжанов Парасат, 5 «Б» сынып оқушылары Әбибуллаева Дана, Әбдікамалова Ару, Кеңшілік Әзизалар тапқырлығымен белсене қатысты.
7-8- сынып оқушыларымен «Көңілді математика алаңы» математикалық сайыста 7 «А» сынып «Логика» тобы 57 ұпаймен «Бас жүлде», 7 «Б» сынып «Математика» тобы 55 ұпаймен І орын, 8 «А» сынып «Арифметика» 51 ұпаймен ІІ орын, 8 «Б» сынып «Геометрия» тобы 47 ұпаймен ІІІ орындарды иеленді.
Математика пәнінің мұғалімі Әшірова Гүлнараның ұйымдастыруымен 11 - сынып оқушылары арасында «Bilimlant.kz сайтынан itest мүмкіндіктерін математика сабағында қолдану» жұмысынды ой ұшқырлығымен “Үздік нәтиже” көрсеткені үшін 11 “А” сынып оқушысы Сұлтанбекова Жанерке марапатталды.
Апта соңында 5-10 сыныптармен «Математика – ақыл – ойдың кеніші» тақырыбында математикалық кеш ұйымдастырылды. Мектеп директоры А. Кенжеева өз сөзінде еліміздің үлкен тірегі болатын жас ұрпақтың терең білімді, жан - жақты дамыған, зерек болуы – заман талабы екендігін айта келіп, апта бойы жүргізілген шараларға белсенді қатысқан оқушыларды марапаттады. Мектепте болашағына үміт артатын оқушыларымыз аз емес.Олар қорытынды кеште өз өнерлерін ортаға салды.
5 «А» сынып оқушысы Қосжанов Парасаттың орындауында «Математика әлеміне саяхат» әні, көрермендермен шардағы сұрақтарға жауап беру арқылы ойын, 9 сынып оқушыларының математикалық көрінісі, 10 «А» сынып оқушыларының «Функция графиктері» флешмоб биі, 7 «А» сынып оқушысы Әзілханова Дилназдың «Математика» әні / «Ананың тілі» әнінің мотивімен/ , 9 «Б» сынып оқушысы Сұлтанбеков Қуаныш «Әскери жылдам көлік» атты жұмысымен таныстыруы арқылы оқушылардың пәнге деген қызығушылықтарының мол екендігін көрсетті.
