«Нұр Отан» партиясының негізгі мақсаттарының бірі – халық мүддесін қорғап, үнемі жанынан табылу болса, партия жанында құрылған қоғамдық қабылдау бөлмесі бұл мәселеде үлкен рөл атқарады. «Нұр Отан» партиясы Қармақшы аудандық филиалының қоғамдық қабылдау бөлмесі ауданымызда белсенді жұмыс атқаруда. Күнделікті азаматтарды қабылдап, көкейіндегі түйіткіл мәселелерін шеше алмай жүрген талай азаматтарға көмегімен кеңесін беріп отырған аудандық партия филиалы төрағасының бірінші орынбасары Д.Буханов бүгінде өз жұмысын тұрғындарды қабылдаудан бастады. Қабылдауға келген кент тұрғындары А.Жарылқасынның жұмысқа орналасу, Б.Сағымбаев және кент ардагерлерінің жеңілдік алу туралы білдірген өтініштеріне байланысты тиісті кеңесімен тұщымды жауабын беріп, оң шешімін табуына ықпал ететіндігін айтты.