Ит балаларды улы жыланнан құтқарып қалды

Флоридада ит өз иесінің аулада ойнап жүрген үш баласын улы жыланнан құтқарып қалды, деп хабарлайды Baq.kz ақпарат агенттігі news.rambler.ru сайтына сілтеме жасап.

Иесінің айтуынша, ит өзін оғаш ұстап, әрлі-берлі сенделіп жүрген.

«Мен мән-жайды түсіну үшін жан-жағыма қарап едім, АҚШ-та өмір сүретін ең ірі улы жылан – бір жарым метрлік улы ромбикалы ысылдағыш жыланды көрдім», - дейді үш баланың әкесі.

Ромбикалы ысылдағыш жыланның уы өте қауіпті. Дәл осы жылан шағып алған жағдайда өліп қалу қаупі 10-30%. Флоридада бұл жыландар көп таралмаған.
Ит иесі балалары үнемі аулада ойнайтынын, тұңғыш баласы төрт жасқа да толмағанын айтты.