КОНСТИТУЦИЯ – ҚҰҚЫҚТАРЫМЫЗ БЕН БОЛАШАҒЫМЫЗДЫҢ НЕГІЗІ

Ата Заң – мемлекет пен қоғам арасындағы өзара жауапкершілікті айқындайтын, әр азаматтың құқықтары мен бостандықтарын қорғауға бағытталған маңызды құжат. Конституцияның басты құндылығы – адамды, оның қадір-қасиетін, құқықтары мен бостандықтарын жоғары бағалауында.

Құқықтық мемлекет құру – баршамызға ортақ міндет. Ол үшін заңға құрметпен қарап, әділдік қағидаттарын ұстанып, қоғамдық тәртіпті сақтауға әрқайсымыз үлес қосуымыз қажет. Азаматтық жауапкершілік пен өзара сыйластық қалыптасқан жерде қоғамның дамуына берік негіз қаланады.

Ата Заңға деген құрмет – елге деген құрмет. Конституциямыздың құндылықтарын қастерлеп, келер ұрпаққа әділетті, бейбіт әрі өркендеген Қазақстанды аманат етейік!