СЕРГІТУ ТРЕНИНГІН ӨТКІЗДІ

Қызылорда облысы бойынша ҚАЖ департаменті ЗК-169/5 мекемесінде мамандар жаза мерзімін өтеушілер арасында релаксациялық тренинг жаттығуларын өткізді. Әлеуметтік-психологиялық тәрбие жұмысы бойынша бөлімінің психолог мамандарының ұйытқы болуымен өткен шара «Өткен іске өкінбе» тақырыбын қамтыды.
Аталған тренинг барысында Қорқыт ата атындағы Қызылорда мемлекеттік университетінің оқытушысы Қ.Қойшыбаева осындағы жазасын өтеушілерге өткен күннен сабақ алу және қазіргі өмірді бағалай білу туралы айтып, қатысушылармен тығыз қарым-қатынаста жұмыс жасады.
Соңында психолог мамандар бірлесе отырып жазасын өтеуші азаматтарға өздерінің ішкі көңіл күйлерін жеткізу және де бүгінгі күннен алған әсерлерімен бөлісу мақсатында ертегі терапиясын өткізді.
Нәтижесінде жаза мерзімін өтеушілер келген қонақтарға алғыстарын білдіріп, өмірге деген құлшыныстарының артқандығын жеткізді.