ТҰРҒЫНДАРДЫҢ ӨТІНІШІ НАЗАРҒА АЛЫНДЫ

Аудан әкімінің тапсырмасына сәйкес және тұрғындар тарапынан түскен өтініштер негізінде аудан әкімінің орынбасары Диас Молдабаев Тәуелсіздік ықшам ауданындағы жол қозғалысы қауіпсіздігі мен қоғамдық тәртіп жағдайына зерделеу жұмыстарын жүргізді.

Шараға аудан әкімдігі қызметкерлері, Жосалы кенті әкімінің орынбасары және аудандық полиция бөлімі қызметкерлері бірлесіп, аудан аумағындағы жаяу жүргіншілердің қауіпсіздігі, көлік қозғалысы және жалпы қоғамдық қауіпсіздік мәселелеріне мониторинг жасады.

Аралау барысында анықталған мәселелер бойынша тиісті мекемелерге бірнеше тапсырмалар беріліп, жол қауіпсіздігін күшейту шараларын жүйелі түрде жүргізу қажеттігі ескертілді.

Қармақшы ауданы әкімінің баспасөз қызметі