БҮЛДІРШІНДЕР ЖАТ ӘДЕТКЕ ҚАРСЫ

Жақында Байқоңыр қаласындағы №274 орта мектептің жанынан құрылған "Айгөлек" жаздық демалу лагерінің басшысы Рауза Жалғасбаева мен тәрбиелеушілері Сəуле Қосманбетова, Арайлым Бекенованың ұйымдастыруымен Байқоңыр қаласындағы "Янгель" саябағында "Біз нашақорлыққа қарсымыз", "Нашақорлыққа жол жоқ", "Мен есіркісіз өмірді таңдадым" атты іс-шара ұйымдастырып, саябақта демалушыларға тақырып бойынша үн парақшалар таратып, нашақорлықтың қасіреті жайлы түсіндірмелер айтты.
-Акцияны қала тұрғындары зор ықыласпен қарсы алып, үлкен ықылас білдірді. Мұндағы мақсатымыз – жас ұрпақтың санасына нашақорлық дертін, салдарының қандай болатындығын, соңы құрдымға кетушілік екенін түсіндіру. Нашақорлыққа қарсы күрес құралы–оны таратуға қарсы бүкіл адамзаттың жұмылуы, –дейді лагерь басшысы.