Адамзатқа ертеден таныс сыбайлас жемқорлық – ерте заманмен бірге өсіп-өркендеп, небір тегеурінді қарсылықтарға төтеп беріп, қайда мол қаражат, пайда болса, сол жерге тамыр жайып, бүгінге дейін жойылмай отырған қауіпті кеселдің бірі. Басқа дамушы елдер сияқты, біздің жас мемлекетімізді де жегі құрттай бұл кесел айналып өткен жоқ. Сыбайлас жемқорлық – әзiрше әлемнiң бiр-де бiр елi жеңiп шыға алмаған әлеуметтiк бәле. Сыбайлас жемқорлыққа шек қоюға, әлеуметтiк қатынастарды қоғамға зиян келтiрiп мүмкiндiктерiн асыра пайдаланудан мүмкiндiк шегiнде жағдай жасауға болады. Әлемнiң барлық мемлекеттерi осы бәлеге тап болып отыр. Өзімізге белгілі, Сыбайлас жемқорлыққа қатысты мәселе әрқашан Елбасының назарында. Сондықтан, Республика Президенті Н.Назарбаев өзінің «Қазақстанның әлемдегі бәсекеге барынша қабілетті 50 елдің қатарына қосылу стратегиясы, Қазақстан өз дамуындағы жаңа серпіліс жасау қарсаңында» атты халыққа жолдауында ұлттық қауіпсіздік пен қоғамдық тұрақтылыққа төнген қатер ретінде сыбайлас жемқорлыққа қарсы күрес жөніндегі жалпыұлттық кешенді бағдарламаны дәйекті түрде жүзеге асырудың қажеттігін айтып, сыбайлас жемқорлық қоғамның барлық мүшелеріне, жемқорлықпен күрес жалпы барша халықтың борышы екенін атап көрсетті.
Қазіргі уақытта, елдегі сыбайлас жемқорлық деңгейін төмендету бағытында елеулі қадамдар жасаудамыз. Алайда, басты назар көбіне сыбайлас жемқорлықтың салдарларымен күресуге аударылып отыр.
Сондықтан, Призидент жолдауында сыбайлас жемқорлықтың себептері мен алғышарттарын анықтап, оларды жою жұмысын күшейту қажеттілігін атап көрсеткен болатын.
Осыған сәйкес, Қармақшы аудандық кәсіпкерлік, өнеркәсіп және туризм бөлімі тарапынан жыл басынан «Сыбайлас жемқорлыққа қарсы іс-шара жоспары» бекітіліп, жоспарға сәйкес жұмыстар орындалуда. Сонымен қатар, бөлім қызметкерлеріне құқықтық оқу жоспарына сай ҚР-ның Заңдары талаптарын түсіндіруі және меңгеруі міндеттелсе, бөлімде арнайы тіркеу журналына сай «Сенім телефоны» (2-31-08) жұмыс жасайды және жеке заңды тұлғалардың өтініштеріне арналған пошта жәшігі бөлімде орналастырылған және Ережеге сай күнделікті комиссия мүшелерімен ашылып, акт жасалып отырады.
Сыбайлас жемқорлыққа қарсы күрес туралы, мемлекеттік қызметі туралы Қазақстан Республикасының заңнама талаптарын сақтау және Мемлекеттік қызметшілердің Әдеп қағидаларын сақтау және Қазақстан Республикасындағы сыбайлас жемқорлыққа қарсы іс-қимыл жөніндегі 2015-2025 жылдарға арналған салалық бағдарламасы тұрақты түрде бақылануда.
Бөлімде қылмысқа және сыбайлас жемқорлыққа қарсы күрес жөніндегі жұмыстар жалғасын таба беретін болады.