Жаз айлары – мектеп оқушыларының ерекше ықыласпен күтетін уақыты.. Өйткені жаз – демалып, тынығатын, күш-қуат жинайтын мамыражай мезгіл. Жаз мезгіліндегі бұл уақыт балалардың негізгі сабақтан, үйреншікті тіршілік қарекетінен босап, өзін қызығушылығымен айналысуына мүмкіндік береді. Сондықтан ұстаз - тәрбиешілерге оқушының бос уақытын дұрыс пайдалануға бағыттаудың, үйретудің мәні зор. Әйтсе де тыныға жүріп, ойын барысында балалардың шынығу – шыңдалу мәселесімен қатар, түрлі бағыттағы іс-шараларға тарту арқылы тәрбиелеу маңызды. Осыған орай, аудандық оқушылар үйі жанынан құрылған «Жас толқын» аулалық клубы балалардың бос уақыттарын тиімді және әр жыл сайын балаларға жазды есте қалдыратындай іс-шаралар ұйымдастырады. Солардың бірі 21.06.2018ж күні Дүниежүзілік нашақордық күніне орай «Ғасыр індетінен сақтанайық» тақырыбында аулалық клубтар арасында, балалардың логикалық ойлау қабілетін дамыту, есептеуге, тапқырлыққа, тез шешім қабылдауға үйрету, ой өрісін дамыту , спорттың бір түрі дойбыны игеру мақсатында дойбыдан, оқушыларға бейнелеу өнерінің қыр-сырын жан-жақты үйрету,олардың дүниетанымын, эстетикалық талғамын кеңейту,сурет салу дағдысын, логикалық ойлау, еске түсіру, елестету қабілеттерін және шығармашылығын арттыру мақсатында сурет салудан және оқушылардың бос уақытын тиімді ұйымдастырып, спортқа деген қызығушылықтарын арттыру,шапшаңдыққа, төзімділікке, жаман әдеттен бойын аулақ ұстауға қалыптастыру, салауатты өмір салтына баулумақсатында эстафеталық сайыс болып өтті. Аталмыш шараға қатысқан оқушыларға оқушылар үйінің арнайы дайындаған алғыс хаттары мен дипломдары табысталды.