МОБИЛЬДІ ТОП ЖҰМЫСТАРЫ ЖАЛҒАСУДА

Білім беру ұйымдарында жасөспірімдер арасында құқық бұзушылықтың, лудомания, зорлық-зомбылықтың, суицидтің, нашақорлықтың алдын алу мақсатында Жосалы кенті орталығындағы № 26, № 250, №27 мектептерінде 8 -11 сынып оқушыларымен кездесу ұйымдастырылды.

Кездесуге жастар ресурстық орталығы, аудандық білім бөлімі, аудандық жастар денсаулық орталығы, аудандық ата-аналар комитетінің төрағасы және ардагер ұстаздар қатысып, оқушыларға "Заң және тәртіп" қағидаттары, синтетикалық есірткі заттары, бала өмірінің қауіпсіздігі, лудомания, буллинг пен кибербуллинг жағдайлары туралы түсіндірме жұмыстар жүргізіліп, "Адал Азамат" біртұтас тәрбие бағдарламасының негізгі мақсаты түсіндірілді.