Ұлық тұтар Ата Заң
Конституция - мемлекеттіліктің аса маңызды белгісі, мемлекеттің бастапқы саяси және құқықтық құжаты. Мемлекет дамуының, ондағы әрбір азаматтың алаңсыз өмір сүруінің кепілі. Биыл Ата Заңымыздың қабылданғанына тура 30 жыл толып отыр.
Айтулы мерекеге орай аудандық музейдің ұйымдастыруымен "Ұлық тұтар Ата Заң" тақырыбында фотокөрме өткізілді. Фотокөрме ҚР қазіргі Конституциясы қабылданғанға дейінгі әр дәуірдегі сан түрлі жарғылар, ережелер, заңдар және заң шығарушы тұлғаларға негізделген.
Көрме барысында Сонау Қазақ хандығы тұсындағы хандар билігі, билер мен болыстардың төрелігі, бертін келе Патшалық Ресейдің шығарған заңдары, Қазақ КСР Конституциясы мен Алаш партиясының конституциялық міндеттемелері, тәуелсіздік алғаннан кейінгі қабылданған Конституция, оларға енгізілген өзгерістер мен жалпыхалықтық референдум жөнінде толық мәлімет айтылды, сәйкесінше суреттермен таныстырылды.
Көрмені мектеп оқушылары мен музейге келушілер тамашалады.
