"Мектепке жол" акциясы ұйымдастырылды
Қазақстан Халық банк акционерлік қоғамының демеушілігімен аудан орталығындағы Шоқан Уәлиханов атындағы #26 орта мектеп базасында «Мектепке жол» қайырымдылық шарасы өткізілді. Ұйымдастырылған игі шара барысында әлеуметтік жағынан аз қамтылған отбасыларына, көпбалалы аналарға мектепке қажетті құрал-жабдықтармен бірге мектеп сөмкелері үлестірілді. Дәстүрлі шараға ауданымыздан барлығы 60 отбасы қамтылды.
Қазақстан Халық банк акционерлік қоғамының Қармақшы ауданына қарасты бөьім басшысы Үсенов Нұрбол Мұқашұлы жаңа оқу жылы қарсаңында өткізілген игі шараны ашып, бірінші сынып табалдырығын аттағалы отырған бүлдіршіндерге табыстады.
Бүлдіршіндерге шаттық сыйлаған бұл игі іс үшін ата-аналар зор алғыстарын білдірді.
