"Қайта жаңғырту" эко челленджі өтті

Қармақшы ауданының оқушылар үйінде “Қайта жаңғырту” эко челленджі өтті.
Мақсаты – қоқысты сұрыптау, қайта өңдеу және тұрмыстық қалдықтарды тиімді пайдалану арқылы экологиялық мәдениетті қалыптастыру.
Іс-шараға қатысқан оқушылар түрлі қалдық заттармен жұмыс жасап, баклажкалардан пайдалы бұйымдар жасап шығарды.
Балалар белсенділік танытып, шығармашылық қабілеттерін көрсетті. Осындай жобалар қоршаған ортаға деген жанашырлықты арттырып, табиғатқа деген сүйіспеншілікті оятады.