Майдангер жазушы
Кент кітапханасында жазушы Қалмұқан Исабайдың 100 жылдығына орай оқырмандардың қатысуымен 'Майдангер жазушы" атты библиографиялық шолу өткізіліп, жазушының өмірі мен шығармашылығына арналған кітап көрмесімен танысты.
Қалмұқан Исабай 1925 жылдың 25 тамызында Павлодар облысының Баянауыл өңірінде туған. 1943 жылдың қаңтарында 10-шы сыныпта оқып жүргенде Кеңес Армиясы қатарына шақырылып, сұрапыл соғысты бастан кешеді. 1954 жылдың күзінде әскерден босап, елге оралады. 1954-1955 оқу жылында Алматы қаласының кешкі жастар мектебінде 10-шы сыныпты қайта оқып бітіреді. Одан соң Қазақ мемлекеттік университетінің филология факультетіне сырттай түсіп, оны 1961 жылы аяқтап шығады. Қаламгерлікке ұмтылыс оны «Социалистік Қазақстан» (қазіргі «Егемен Қазақстан») газетінің киелі табалдырығын аттатады. Бұдан соң ол ұзақ жылдар бойы Қазақстан Жазушылар одағының жанындағы көркем әдебиетті насихаттау бюросында директор болып абыройлы қызмет атқарды.
