ТҮНГІ РЕЙД ЖҰМЫСТАРЫ ЖҮРГІЗІЛДІ

Қармақшы ауданының әкімдігі, аудандық прокуратура, аудандық полиция бөлімі, аудандық білім бөлімі Заң мен тәртіп аясында бірлескен жасөспірімдер арасында жиі орын алатын құқық бұзушылықты болдырмау мақсатында түнгі рейд жұмыстарын жүргізді.

Осы орайда аудандық білім бөлімінің басшысы Г.Абдазиева жасөспірімдердің қауіпсіздігін қамтамасыз ету, кәмелетке толмағандар және жастар арасындағы құқық бұзушылықты болдырмау мақсатындағы рейдтік жұмыстар барысында білім беру ұйымдарының директорлары және арнайы кезекші мамандарымен бірге саябақтар мен аллеяларды және басқа да жастар көп шоғырланатын орындарды аралап кәмелетке толмаған жасөспірімдерге түсіндірмелік жұмыстарын жүргізді.