«Мақсат пен мотивация – ҰБТ-ға сенімді қадам» тақырыбында тренинг өтті
2024-2025 оқу жылы аясында 11 «А» сынып оқушыларына арналған «Мақсат пен мотивация – ҰБТ-ға сенімді қадам» тақырыбында тренинг өткізілді. Шараны мектеп психологі Смайлова Ажар ұйымдастырды.
Тренингтің негізгі мақсаты – оқушылардың алдағы ҰБТ-ға деген сенімін арттыру, дұрыс мақсат қоя білуге және ішкі мотивацияны нығайтуға көмектесу болды. Тренинг барысында оқушылармен ашық сұхбат, сергіту жаттығулары, топтық жұмыстар және мотивациялық тапсырмалар жүргізілді.
Шара жоғары деңгейде өтті. Оқушылар өздерінің алдағы емтиханға дайындығын бағалап, алға қойған мақсаттарын нақтылап, өз-өзіне деген сенімін арттырды. Тренингтен алған әсер мен тәжірибе оқушылар үшін маңызды қолдау болды.
