ПАРТИЯЛЫҚ БАҚЫЛАУ КОМИССИЯСЫНЫҢ ОТЫРЫСЫ ӨТКІЗІЛДІ
Бүгін "AMANAT" партиясы Байқоңыр филиалы жанындағы партиялық бақылау комиссиясының отырысы өткізілді.
Шара барысында "Кедергісіз келешек" партиялық жобасы аясында қоғамдық, әлеуметтік орындарда мүмкіндігі шектеулі жандар үшін жасалған жағдайы қаралды.
Жиынды партия филиалы жанындағы партиялық бақылау комиссиясының төрағасы Сейл Жұмадьяров ашып, жүргізді.
Күн тәртібіндегі мәселеге байланысты Қармақшы аудандық жұмыспен қамту және әлеуметтік бағдарламалар бөлімінің Байқоңыр қаласы бойынша сектор меңгерушісінің міндетін атқарушы Ботагөз Есеналиеваның хабарламасы тыңдалып, комиссия тарапынан жүргізілген мониторинг жұмыстарының қорытындысы талқыланды.
Сондай-ақ комиссия мүшелері мен қатысушылардың ұсыныс-пікірлері тыңдалып, сұрақтарына жауап берілді.
