ҰЛТТЫҚ РУХТЫҢ АСҚАҚ БЕЛГІСІ

Жуырда аудандық білім бөлімі және кәсіподақ комитетінің ұйымдастыруымен №284 мамандандырылған мектеплицейінде жас ұстаздар арасында бейбітшілік, бірлік, ұлтжандылық, отансүйгіштік, патриоттық сезімдерін арттыру, алғашқы әскери және технологиялық дайындық пәні мұғалімдерінің әскериқолданбалы спорт түрлері арқылы салауатты өмір салтын қалыптастыруды насихаттау, шеберліктерін шыңдау, ұстаздардың көшбасшылық қабілеттерін, ой ұшқырлығын арттыру мақсатында «Ұлы Отан соғысындағы Жеңістің 80 жылдығы» аясында «Патриотизм – ұлттық рухтың асқақ белгісі» тақырыбындағы жастар форумы өтті.

Онда ұстаздар 5 топқа бөлініп, өзара бақ сынасты. «IQ дода» білімділер мен білгілер кезеңі мен «Қайрат – қамал бұзады» кезеңдері бойынша жарысты.

Сайыс соңында «Ер ерлігін ел қолдайды» атты ауған соғысы ардагерімен кездесу болды. Ұстаздар ауған соғысы ардагері Әбутәліп Жалмағанбетовке сұрақтар қойып, жақсы пікірлесу, әңгімелесу түрінде өрбіді. Жиын соңында ән шырқалып, белсенді жас ұстаздар марапатталды.