ЕҢБЕК ҚАТЫНАСТАРЫН РЕТТЕУ – ҚЫЗМЕТКЕРДІҢ ҚҰҚЫҒЫН ҚАМТАМАСЫЗ ЕТУ
Бейсенбіде Жосалы кенті әкімдігінің мәжіліс залында еңбек қатынастары саласындағы әлеуметтік ахуал бойынша мекеме, кәсіпорын еңбеккерлерімен кездесу өткізілді.
Жиынның негізгі мақсаты – еңбек тәуекелдер картасы ақпараттық жүйесіндегі тәуекел аймағындағы кәсіпорындарда туындау мүмкін наразылықтардың алдын алу, әрі мерзімінде тиісті шараларды қабылдау болып табылады.
Кездесу барасында Мемлекеттік еңбек инспекциясы комитетінің Қызылорда облысы бойынша департаментінің басшысы Бектемір Жұмағұлов, Халықты әлеуметтік қорғау саласын реттеу және бақылау комитетінің Қызылорда облысы бойынша департаментінің бөлім басшысы Төреахмет Жолымбетов және Мемлекеттік еңбек инспекциясы комитетінің облыс бойынша департаментінің бас маманы Досхан Бектұрсынов хабарлама жасап, еңбек қатынастары саласындағы ахуал бойынша мекеме, кәсіпорын еңбеккерлеріне түсіндірме жұмыстарын жүргізді.
«ҚТ» ақпарат
