ӨМІРГЕ САЛАУАТТЫ ҚАДАМ

Қармақшы ауданының оқушылар үйінде «Біртұтас тәрбие» бағдарламасы аясында «Өмірге салауатты қадам» тақырыбында кездесу өтті. Шараға ата-аналар комитетінің төрағасы Әлиев Мағауия, білім бөлімінің әдіскері Тоқшылықова Ақтолқын Каналбекқызы аудан прокурорының көмекшісі Сәду Әділет Сағымбекұлы, Қармақшы Жастар денсаулығы орталығының психологі Кетебаева Әмина Тахирқызы, салауатты өмір салтын қалыптастыру кабинетінің маманы Құлмырзаева Дариха Қалдыбекқызы, аудандық аурухананың акушері Мерекова Әсем және Қармақшы ауданының оқушылар үйінің директоры Манасова Құралай Қорғанбекқызы қатысып, оқушыларға салауатты өмір салтын ұстану, дұрыс тамақтану, денсаулық сақтау және психологиялық әл-ауқат туралы маңызды кеңестер берді.