ЖҰМЫСШЫ МАМАНДЫҒЫ - ЕЛ ЭКОНОМИКАСЫНЫҢ ТІРЕГІ

17 қаңтар күні 9 сынып оқушыларына «Жұмысшы мамандығы - ел экономикасының тірегі» тақырыбында А.Жиенкулов атындағы Байқоңыр жоғары колледжі мамандары және ата-аналарының қатысуымен кездесу кеші өтті.

Қазақстанда 2025 жыл жұмысшы мамандықтар жылы деп жарияланды. Бұл бастама жұмысшы мамандықтарының беделін арттыруға,кәсіптік білім беруді дамытуға және өз ісінің шеберлерінің жолын таңдайтын жастарды қолдауға бағытталған.

Өткізілген іс-шараның мақсаты жұмысшы мамандықтары туралы білімді насихаттау. А.Жиенкулов атындағы Байқоңыр жоғары колледжі мамандары тігінші, құрылысшы және автомеханик мамандықтары туралы ақпараттармен бөлісті. Аталған оқу орнын бітірген мамандар қазіргі таңдағы өздерінің жеке кәсібін ашып, табысты жұмыс жасап жатқандығын атап көрсетті.