Мониторинг жұмыстары жүргізілді
Аудандық мәдениет және тілдерді дамыту бөлімі және Халықаралық «Қазақ тілі қоғамы» Қармақшы аудандық филиалымен бірлесіп «Қазақстан Республикасындағы тіл туралы» Қазақстан Республикасының Заңы талабына сәйкес Төретам және Ақай елді мекендерінде орналасқан шағын және орта бизнес субьектілеріне мониторинг жұмыстары жүргізілді.
Мониторинг барысында кәсіпкерлік нысандарда бақылау касса машиналарның түбіртекті мемлекеттік тілде басып шығару бойынша түсіндірме жұмыстары жүргізіліп, "Қазақстан Республикасындағы тіл туралы" Заңның 21-бабының орындалуы бойынша ақпараттық-түсіндірме жұмыстары жүргізілді.
Шараның негізгі мақсаты тұрғындарға мемлекеттік тілдің қолданыс аясын кеңейту, тіл заңнамасы талаптарының сақталуы, сапалы қызмет көрсету, және көрнекті ақпарат мәтіндерде қателерді болдырмау болып табылады.
