Байқоңыр қаласында апталық оқу курсы қорытындыланды

Бүгін "Қарызсыз қоғам" партиялық жобасы аясындағы "Жеке қаржыны басқару" апталық оқу курсы аяқталды.

"AMANAT" партиясы Байқоңыр филиалының Атқарушы хатшысы Мақсат Есбенбетов апталық семинарды қорытындылап, барлық 100 тыңдаушыға арнайы сертификаттарды табыстады.

Жалпы ағымдағы жылдың шілде-тамыз айларында Байқоңыр қаласында өткізілген оқу курсына 401 адам қатысып, қаржылық білімдерін арттырды.

Қаржылық сауаттылығын арттыруға бағытталған оқу семинарына қала тұрғындары, мектеп мұғалімдері, балабақша тәрбиешілері, қалалық аурухананың дәрігерлері мен медбикелері және жеке кәсіпкерлер қатысты.