«Жыныстық тәрбие – адам тағдырын шешетін ұлы іс!»

Қазақстан Республикасы Президентінің жанындағы Әйелдер істері және отбасылық – демографиялық саясат жөніндегі Ұлттық комиссия отырысының қорытындысы бойынша жазғы демалыс кезеңінде жасөспірімдерге жыныстық тәрбие беру мәселелері бойынша ата-аналар арасында ақпараттық-ағарту жұмыстарын ұйымдастыру кестесіне сәйкес ағымдағы жылдың шілде айының 10-ші жұлдызында Қармақшы ауданының полиция бөлімінің мәжіліс залында «Отбасын қолдау орталығының» ұйымдастыруымен кездесу өткізілді.

Кездесу барысында «Отбасын қолдау орталығының» қызметкері С.Маденов, психологі Т.Тұрашова және Қармақшы аудандық ауруханасы шаруашылық жүргізу құқығындағы мемлекеттік коммуналдық кәсіпорының акушері А.Мерекованың қатысуымен ақпараттық-түсіндірме жұмыстарын жүргізді.

Сонымен қатар, іс-шара аясында Президент Қасым-Жомарт Тоқаев «Қазақстан Республикасының кейбір заңнамалық актілеріне әйелдердің құқықтары мен балалардың қауіпсіздігін қамтамасыз ету мәселелері бойынша өзгертулер мен толықтырулар енгізу туралы» және «Қазақстан Республикасы Әкімшілік құқық бұзушылық туралы кодексіне әйелдердің құқықтары мен балалардың қауіпсіздігін қамтамасыз ету мәселелері бойынша өзгерістер мен толықтырулар енгізу туралы» Қазақстан Республикасының заңдарына қысқаша тоқталып өтті.