«Абайлаңыз – балалар!» жедел-профилактикалық іс-шарасы аясында бөлімнің ЖПҚб-нің ЮПт-ның учаскелік полиция инспекторлары аудан орталығында орналасқан балабақшалардың тәрбиеленушілеріне жол қауіпсіздігі бойынша кездесу өткізді.

Жазғы демалыстың басталуы қарсаңында балалардың жол-көлік жарақаттануының алдын алу, сондай-ақ балалардың көшелер мен жолдардағы қауіпсіз мінез-құлыққа байланысты дағдыларын бекіту мақсатында ағымдағы жылдың мамыр айының 20-30 күндері аралығында аудан көлемінде «Абайлаңыз - балалар!» жедел-профилактикалық іс-шарасы жалғасуда.

Бұл іс-шараның басты мақсаты – мектеп жасындағы жасөспірімдердің қатысуымен орын алатын жол-көлік оқиғаларының алдын алып, оқушыларға жол жүру ережелерін таныстырып қана қоймай, оларды жол жүру қауіпсіздігін сақтауға дағдыландыру, сондай-ақ балалардың жарақат алуы мәселелеріне жүргізушілердің, ата-аналар мен мұғалімдердің назарын аудару.

Балалар алаңсыз білім алып, қауіпсіз өмір сүруіне әрқайсымыз жауаптымыз.

Сондықтан отбасында ата-ана, мектепте ұстаздар, ал жол бойында полиция қызметкерлері балаларымыздың санасына жол жүру ережелерін ұдайы сіңіріп отырумыз қажет.

Қармақшы аудандық полиция бөлімі