Ауданда «Таза Қазақстан» экологиялық акциясының «Мөлдір бұлақ» апталығы аясында тазалық жұмыстары жүргізілді.

Қоршаған ортаның экологиялық жағдайын жақсартып, бұлақ көздерін қорғай білу мақсатында қолға алынған акцияда Сырдария өзенінің бойы мен су каналдары қоқыс қалдықтарынан тазартылды.

Сонымен қатар, ауданның барлық аумағында санитарлық-тазалық, көркейту-көгалдандыру жұмыстары атқарылды.

Экоакцияға мекеме, кәсіпорын ұжымдары мен кент, ауыл тұрғындары және ерікті жастар белсенді атсалысып, өздеріне бөлінген аймақтардағы көшелер мен жол жиектерін, арықтар мен әлеуметтік нысандардың айналасын күл-қоқыстан тазартып, абаттандыру жұмыстарын жүргізді.

Барша аудан тұрғындарын айналамызды, өз аумағымызды таза ұстап, туған жерімізді көркейту-көгалдандыру жұмыстарына атсалысуға шақырамыз!