«Өнегелі ұрпақ» апталығы жалғасуда
Ауданда «Таза Қазақстан» республикалық экологиялық акциясы аясында «Өнегелі ұрпақ» апталығы қарқынды жалғасуда. Ауданның белсенді жастары жалғыз басты қарттардың үйіне барып, аула жұмыстарына жәрдем етті.
Қазыналы қарттардың хал-жағдайын сұрап, ақ батасын алған жастар үй ауласына тазалық жұмыстарын жүргізіп, шөптен тазартып, күл-қоқыстарын шығарып қолғабыс жасады. Ардагерлер өз кезегінде көмекке келген жастарға ақ батасын беріп, алғысын білдірді.
Қармақшы ауданында акция басталғалы бері зиялы қауым өкілдері, мемлекеттік мекеме қызметшілері, жастар, еріктілердің қатысуымен тазалық шаралары қарқынды өтіп жатыр.
