qarmaqshy-tany.kz Қазақстан Республикасының Ішкі істер министрлігінің нұсқауына сәйкес, 2023 жылдың 25 қараша – 10 желтоқсан аралығында аудан көлемінде «Әйелдерге қатысты зорлық-зомбылықсыз 16 күн» акциясын өткізілуіне орай Қармақшы ауданы полиция бөлімінің жергілікті полиция қызметі бөлімшесінің әйелдерді зорлық-зомбылықтан қорғау тобының қызметкері еріктілерімен бірлесіп, тұрмыстық зорлық-зомбылықтың алдын алу бойынша түсіндірме жұмыстарын жүргізілді.

Атап атйқанда, Жосалы кент орталығындағы Қорқыт Ата және Абай көше бойындағы бірнеше аулалар, темір жол вокзал жанындағы бірнеше сауда үйлері, сол маңда орналасқан дүкендер мен дәріханаларға зорлық-зомбылықтың алдын алуға арналған жадынамалар мен визиткалар таратылып, профилактикалық шолу жұмыстары жүргізілді.

Бейбіт ұл, ынтымағы жарасқан халық, үлгілі отбасын құру бәрі де адамның өз қолында.