Салық төлеушілер назарына

ЭШФ АЖ техникалық мәселе туралы БАСПАСӨЗ ХАБАРЛАМАСЫ

Құрметті салық төлеушілер!

Қазақстан Республикасы Мемлекеттік кірістер комитеті (бұдан әрі – Комитет) Электронды шот-фактуралар ақпараттық жүйесі (ЭШФ АЖ) порталының жұмысына қатысты келесіні хабарлайды.

2023 жылдың 17 қарашасында электронды шотфактураларды шығару және тауарларға арналған ілеспе жүкқұжат ресімдеу кезінде ЭШФ АЖ серверлік жабдығында техникалық мәселелерге байланысты кешіктірулер байқалады. Қазақстан Республикасы Салық кодексінің 412 бабы 2 тармағының 2) тармақшасына сәйкес және тауарларға арналған ілеспе жүкқұжаттарды ресімдеу және құжат айналымы (2019 жылдың 26 желтоқсанындағы №1424 бұйрығы) Ережесінің 64, 65 тармақтарына сәйкес керек болған жағдайда салық төлеушілер қағаз тасығышта ресімдейді:

2023 жылдың 17 қарашасынан кейін 15 (он бес) күнтізбелік күн ішінде ЭШФ АЖ енгізу арқылы шот фактураны шығару;

2023 жылдың 17 қарашасынан кейін 3 (үш) күнтізбелік күн ішінде ЭШФ АЖ енгізу арқылы тауарларға арналған ілеспе жүкқұжаттарды ресімдеу.

Сонымен бірге айыппұл санкциялары қолданылмайды.

ЕЭОЕ елдерімен мемлекеттік шекарадан өткен кезде автомобиль өткізу пункттерінде мемлекеттік кірістер органдарымен белгіленген уақытта ТІЖ ЭШФ АҚ болуына талап қойылмайды (қағаз тасығышта ТІЖ болғаны жеткілікті).