Ағымдағы жылдың 27 маусымынан бастап аудан көлемінде өтіп жатқан «Учаске» жедел профилактикалық іс-шарасы барысында Қармақшы ауданы Тұрмағамбет ауылдық округінің учаскелік полиция инспекторы полиция майоры Қ.Жұбандықов ауыл тұрғындарымен тығыз қарым-қатынас орнатып, сонымен қатар құқық бұзушылықтың алдын алу бойынша жұмыстың тиімділігін арттыруда. Қазіргі уақытта жергілікті полиция инспекторлары өздеріне бекітілген әкімшілік аймақтарда тұрғындармен танысу мақсатында аулалар мен пәтерлерді аралауда. Сондай-ақ аталған іс шара бойынша түрлі құқық бұзушылық жасаған адамдарды анықтайды және ішкі істер органдарында тіркелген азаматтармен профилактикалық әңгімелер жүргізілуде

Ауылдық жерлерде негізгі күш – жігер тұрақты тұрағы жоқ адамдарды анықтау үшін қыстақтарды тексеруге, адамдарды заңсыз пайдалану, шетелдік азаматтардың заңсыз болу фактілері, тіркелмеген қару мен басқа да тыйым салынған заттарды сақтауға бағытталған. Іс-шара ағымдағы жылдың 17 шілдесіне дейін жалғасады.