Мемлекеттік қызметшілерге қатысты жаңа қағидалар қолданысқа енді

 «Қазақстан Республикасының мемлекеттік қызметі туралы» Қазақстан Республикасының Заңның 5-бабы 2-тармағы 10-2-тармақшасына сәйкес уәкілетті орган мемлекеттік қызметшілер үшін қашықтан жұмысты, аралас қашықтан жұмысты, икемді жұмыс уақыты режиміндегі жұмысты қолдану қағидаларын әзірлейді және бекітеді делінген.

Өз кезегінде, Қазақстан Республикасы Мемлекеттік қызмет істері агенттігі Төрағасының 2023 жылғы 29 мамырдағы №120 «Мемлекеттік қызметшілер үшін қашықтықтан жұмысты, аралас қашықтықтан жұмысты, икемді жұмыс уақыты режимінде жұмыс істеуді қолдану» Қағидалары бекітілді.

Демек, мемлекеттік қызметшілер үшін қашықтықтан жұмысты, аралас қашықтықтан жұмысты, икемді жұмыс уақыты режимінде жұмыс істеуді қолдану мәселелерін қағидалардың талаптарына сәйкес жүзеге асырылуы қажет.

Бұдан бөлек, Агенттік Төрағасының 2023 жылғы 29 мамырдағы №121 бұйрығымен «Мемлекеттік органдардың жұмыс уақыты режимін сақтауына мониторинг жүргізу» Қағидалары (бұдан әрі - Қағидалар) бекітілді.

Өз кезегінде, Қазақстан Республикасы Мемлекеттік қызмет істері агенттігінің Қызылорда облысы бойынша департаменті Қағидалардың талаптарына сәйкес мемлекеттік органдарға бармай және бару арқылы, жұмыс уақыты режимінің сақталуына мониторинг жүргізуді жүзеге асырады (Қағидалардың 2 және 3 тарауы).

«Әкімшілік құқық бұзушылық туралы» Қазақстан Республикасының Кодексінің (бұдан әрі – Кодекс) 89-бабында жұмыс уақытының нормасын заңсыз асырғаны үшін әкімшілік жаза айқындалған.

Кодекстің 721-бабына сәйкес мемлекеттік қызмет істері жөніндегі уәкілетті орган осы Кодекстiң 89 (мемлекеттік қызметшімен қарым-қатынастағы жұмыс беруші жасаған құқық бұзушылықтар бөлігінде) бабында көзделген әкiмшiлiк құқық бұзушылықтар туралы iстердi қарайды.